Tur opp Postveien mellom Evanger og Bolstad

9. mai gikk turen til gården Bjørgo mellom Evanger og Bolstad. Når det var usikker is på Evangervatnet, måtte posten fraktast på land. Då gjekk ein den bratt tilrettelagde vegen frå Horvei opp til garden Bjørgo, over Vindeggi, ned forbi høgdegarden Brunborg og så ned i Teigdalen og ned til Evanger. Denne gamle vegen, som var ein del av postruta mellom Bergen og Christiania, er i dag ein fin tursti.

På dei to bruka på Bjørgo har det vore gardsdrift heilt tilbake til 1300-talet. I dag er det ikkje drift her, men gardane vert haldne ved like. Stien går no vidare i nordaustleg retning inn Bjørgadalen langs Ørevikelva. I enden av dalen tek ein opp over Vindeggi, med det høgste punktet på ruta på ca. 540 moh. Vidare stort sett i austleg retning ned gjennom bjørkeskogen, forbi Fadnesstølen, der berre murane står att, og ned til garden Brunborg, der det er to bruk. Til liks med Bjørgo er ikkje garden i drift, men han er godt halden ved like og mykje brukt. Frå Brunborg går det taubane ned til bilvegen, for frakt av varer. Ned til Forvene i Teigdalen går det god sti i bratt terreng. 
Kilde: Opptur i Hordaland.